PD fiton 4 mandate në Lezhë, PS siguron 3 – Jashtë mbetet Lindita Metaliaj
Në qarkun e Lezhës, Partia Demokratike ka dalë forca më e votuar, duke siguruar 4 mandate në Kuvendin e ri, ndërsa Partia Socialiste ka marrë 3 mandate. Nga lista e mbyllur e PD-së, sigurojnë automatikisht ulësen në Kuvend Agron Gjekmarkaj dhe Elda Hoti. Ndërsa nga lista e hapur, më shumë vota preferenciale kanë marrë Gjin Gjoni me 4,318 vota dhe Aleksandër Lala me 2,817 vota. Kështu, mbetet jashtë ish-deputetja Lindita Metaliaj, e cila nuk ka arritur të sigurojë mbështetjen e nevojshme.
Nga ana tjetër, Partia Socialiste fut në Kuvend Ulsi Manjën dhe Ermal Pacajn nga lista e mbyllur, ndërsa nga lista e hapur hyn Pranvera Skana, e mbështetur nga 3,768 votues.
Ky rezultat përforcon pozitën e PD-së në qarkun e Lezhës, ndërkohë që sjell ndryshime të dukshme në përfaqësimin politik, veçanërisht përmes sistemit të ri të listave të hapura.
